Kanakadhara sthotram | Get Telugu Lyrics Now

Get Telugu Lyrics Now:-
వన్దే వన్దారు మన్దారమిన్దిరానన్ద కన్దలం
అమన్దానన్ద సన్దోహ బన్ధురం సిన్ధురాననమ్

అఙ్గం హరేః పులకభూషణమాశ్రయన్తీ 
భృఙ్గాఙ్గనేవ ముకుళాభరణం తమాలమ్ |
అఙ్గీకృతాఖిల విభూతిరపాఙ్గలీలా 
మాఙ్గల్యదాస్తు మమ మఙ్గళదేవతాయాః || ౧ ||

ముగ్ధా ముహుర్విదధతీ వదనే మురారేః 
ప్రేమత్రపాప్రణిహితాని గతాగతాని |
మాలాదృశోర్మధుకరీవ మహోత్పలే యా 
సా మే శ్రియం దిశతు సాగర సమ్భవా యాః || ౨ ||

ఆమీలితాక్షమధిగ్యమ ముదా ముకున్దమ్ 
ఆనన్దకన్దమనిమేషమనఙ్గ తన్త్రమ్ |
ఆకేకరస్థితకనీనికపక్ష్మనేత్రం 
భూత్యై భవన్మమ భుజఙ్గ శయాఙ్గనా యాః || ౩ ||

బాహ్వన్తరే మధుజితః శ్రితకౌస్తుభే యా 
హారావళీవ హరినీలమయీ విభాతి |
కామప్రదా భగవతో‌உపి కటాక్షమాలా 
కళ్యాణమావహతు మే కమలాలయా యాః || ౪ ||

కాలామ్బుదాళి లలితోరసి కైటభారేః 
ధారాధరే స్ఫురతి యా తటిదఙ్గనేవ |
మాతుస్సమస్తజగతాం మహనీయమూర్తిః 
భద్రాణి మే దిశతు భార్గవనన్దనా యాః || ౫ ||

ప్రాప్తం పదం ప్రథమతః ఖలు యత్ప్రభావాత్ 
మాఙ్గల్యభాజి మధుమాథిని మన్మథేన |
మయ్యాపతేత్తదిహ మన్థరమీక్షణార్థం 
మన్దాలసం చ మకరాలయ కన్యకా యాః || ౬ ||

విశ్వామరేన్ద్ర పద విభ్రమ దానదక్షమ్ 
ఆనన్దహేతురధికం మురవిద్విషో‌உపి |
ఈషన్నిషీదతు మయి క్షణమీక్షణార్థం
ఇన్దీవరోదర సహోదరమిన్దిరా యాః || ౭ ||

ఇష్టా విశిష్టమతయోపి యయా దయార్ద్ర 
దృష్ట్యా త్రివిష్టపపదం సులభం లభన్తే |
దృష్టిః ప్రహృష్ట కమలోదర దీప్తిరిష్టాం 
పుష్టిం కృషీష్ట మమ పుష్కర విష్టరా యాః || ౮ ||

దద్యాద్దయాను పవనో ద్రవిణామ్బుధారాం
అస్మిన్నకిఞ్చన విహఙ్గ శిశౌ విషణ్ణే |
దుష్కర్మఘర్మమపనీయ చిరాయ దూరం 
నారాయణ ప్రణయినీ నయనామ్బువాహః || ౯ ||

గీర్దేవతేతి గరుడధ్వజ సున్దరీతి 
శాకమ్బరీతి శశిశేఖర వల్లభేతి |
సృష్టి స్థితి ప్రళయ కేళిషు సంస్థితాయై 
తస్యై నమస్త్రిభువనైక గురోస్తరుణ్యై || ౧౦ ||

శ్రుత్యై నమో‌உస్తు శుభకర్మ ఫలప్రసూత్యై 
రత్యై నమో‌உస్తు రమణీయ గుణార్ణవాయై |
శక్త్యై నమో‌உస్తు శతపత్ర నికేతనాయై 
పుష్ట్యై నమో‌உస్తు పురుషోత్తమ వల్లభాయై || ౧౧ ||

నమో‌உస్తు నాళీక నిభాననాయై 
నమో‌உస్తు దుగ్ధోదధి జన్మభూమ్యై |
నమో‌உస్తు సోమామృత సోదరాయై 
నమో‌உస్తు నారాయణ వల్లభాయై || ౧౨ ||

నమో‌உస్తు హేమామ్బుజ పీఠికాయై
నమో‌உస్తు భూమణ్డల నాయికాయై |
నమో‌உస్తు దేవాది దయాపరాయై
నమో‌உస్తు శార్ఙ్గాయుధ వల్లభాయై || ౧౩ ||

నమో‌உస్తు దేవ్యై భృగునన్దనాయై 
నమో‌உస్తు విష్ణోరురసి స్థితాయై |
నమో‌உస్తు లక్ష్మ్యై కమలాలయాయై
నమో‌உస్తు దామోదర వల్లభాయై || ౧౪ ||

నమో‌உస్తు కాన్త్యై కమలేక్షణాయై
నమో‌உస్తు భూత్యై భువనప్రసూత్యై |
నమో‌உస్తు దేవాదిభిరర్చితాయై
నమో‌உస్తు నన్దాత్మజ వల్లభాయై || ౧౫ ||

సమ్పత్కరాణి సకలేన్ద్రియ నన్దనాని 
సామ్రాజ్య దానవిభవాని సరోరుహాక్షి |
త్వద్వన్దనాని దురితా హరణోద్యతాని 
మామేవ మాతరనిశం కలయన్తు మాన్యే || ౧౬ ||

యత్కటాక్ష సముపాసనా విధిః 
సేవకస్య సకలార్థ సమ్పదః |
సన్తనోతి వచనాఙ్గ మానసైః 
త్వాం మురారిహృదయేశ్వరీం భజే || ౧౭ ||

సరసిజనిలయే సరోజహస్తే 
ధవళతమాంశుక గన్ధమాల్యశోభే |
భగవతి హరివల్లభే మనోఙ్ఞే
త్రిభువనభూతికరీ ప్రసీదమహ్యమ్ || ౧౮ ||

దిగ్ఘస్తిభిః కనక కుమ్భముఖావసృష్ట 
స్వర్వాహినీ విమలచారుజలాప్లుతాఙ్గీమ్ |
ప్రాతర్నమామి జగతాం జననీమశేష 
లోకధినాథ గృహిణీమమృతాబ్ధిపుత్రీమ్ || ౧౯ ||

కమలే కమలాక్ష వల్లభే త్వం 
కరుణాపూర తరఙ్గితైరపాఙ్గైః |
అవలోకయ మామకిఞ్చనానాం 
ప్రథమం పాత్రమకృతిమం దయాయాః || ౨౦ ||

దేవి ప్రసీద జగదీశ్వరి లోకమాతః
కళ్యాణగాత్రి కమలేక్షణ జీవనాథే |
దారిద్ర్యభీతిహృదయం శరణాగతం మాం
ఆలోకయ ప్రతిదినం సదయైరపాఙ్గైః || ౨౧ ||

స్తువన్తి యే స్తుతిభిరమీభిరన్వహం 
త్రయీమయీం త్రిభువనమాతరం రమామ్ |
గుణాధికా గురుతుర భాగ్య భాగినః
భవన్తి తే భువి బుధ భావితాశయాః || ౨౨ ||

సువర్ణధారా స్తోత్రం యచ్ఛఙ్కరాచార్య నిర్మితం 
త్రిసన్ధ్యం యః పఠేన్నిత్యం స కుబేరసమో భవేత్ ||

రచన: ఆది శంకరాచార్య
Get Telugu Lyrics Now