Saraswathi sthotram | Get Telugu Lyrics Now

Get Telugu Lyrics Now:-
యా కున్దేన్దు తుషారహారధవళా యా శుభ్రవస్త్రావృతా
యా వీణావరదణ్డమణ్డితకరా యా శ్వేతపద్మాసనా |
యా బ్రహ్మాచ్యుత శఙ్కరప్రభృతిభిర్దేవైస్సదా పూజితా
సా మాం పాతు సరస్వతీ భగవతీ నిశ్శేషజాడ్యాపహా || ౧ ||

దోర్భిర్యుక్తా చతుర్భిః స్ఫటికమణినిభై రక్షమాలాన్దధానా
హస్తేనైకేన పద్మం సితమపిచ శుకం పుస్తకం చాపరేణ |
భాసా కున్దేన్దుశఙ్ఖస్ఫటికమణినిభా భాసమానాౙ్సమానా
సా మే వాగ్దేవతేయం నివసతు వదనే సర్వదా సుప్రసన్నా || ౨ ||

సురాసురైస్సేవితపాదపఙ్కజా కరే విరాజత్కమనీయపుస్తకా |
విరిఞ్చిపత్నీ కమలాసనస్థితా సరస్వతీ నృత్యతు వాచి మే సదా || ౩ ||

సరస్వతీ సరసిజకేసరప్రభా తపస్వినీ సితకమలాసనప్రియా |
ఘనస్తనీ కమలవిలోలలోచనా మనస్వినీ భవతు వరప్రసాదినీ || ౪ ||

సరస్వతి నమస్తుభ్యం వరదే కామరూపిణి |
విద్యారమ్భం కరిష్యామి సిద్ధిర్భవతు మే సదా || ౫ ||

సరస్వతి నమస్తుభ్యం సర్వదేవి నమో నమః |
శాన్తరూపే శశిధరే సర్వయోగే నమో నమః || ౬ ||

నిత్యానన్దే నిరాధారే నిష్కళాయై నమో నమః |
విద్యాధరే విశాలాక్షి శుద్ధఙ్ఞానే నమో నమః || ౭ ||

శుద్ధస్ఫటికరూపాయై సూక్ష్మరూపే నమో నమః |
శబ్దబ్రహ్మి చతుర్హస్తే సర్వసిద్ధ్యై నమో నమః || ౮ ||

ముక్తాలఙ్కృత సర్వాఙ్గ్యై మూలాధారే నమో నమః |
మూలమన్త్రస్వరూపాయై మూలశక్త్యై నమో నమః || ౯ ||

మనోన్మని మహాభోగే వాగీశ్వరి నమో నమః |
వాగ్మ్యై వరదహస్తాయై వరదాయై నమో నమః || ౧౦ ||

వేదాయై వేదరూపాయై వేదాన్తాయై నమో నమః |
గుణదోషవివర్జిన్యై గుణదీప్త్యై నమో నమః || ౧౧ ||

సర్వఙ్ఞానే సదానన్దే సర్వరూపే నమో నమః |
సమ్పన్నాయై కుమార్యై చ సర్వఙ్ఞే తే నమో నమః || ౧౨ ||

యోగానార్య ఉమాదేవ్యై యోగానన్దే నమో నమః |
దివ్యఙ్ఞాన త్రినేత్రాయై దివ్యమూర్త్యై నమో నమః || ౧౩ ||

అర్ధచన్ద్రజటాధారి చన్ద్రబిమ్బే నమో నమః |
చన్ద్రాదిత్యజటాధారి చన్ద్రబిమ్బే నమో నమః || ౧౪ ||

అణురూపే మహారూపే విశ్వరూపే నమో నమః |
అణిమాద్యష్టసిద్ధాయై ఆనన్దాయై నమో నమః || ౧౫ ||

ఙ్ఞాన విఙ్ఞాన రూపాయై ఙ్ఞానమూర్తే నమో నమః |
నానాశాస్త్ర స్వరూపాయై నానారూపే నమో నమః || ౧౬ ||

పద్మజా పద్మవంశా చ పద్మరూపే నమో నమః |
పరమేష్ఠ్యై పరామూర్త్యై నమస్తే పాపనాశినీ || ౧౭ ||

మహాదేవ్యై మహాకాళ్యై మహాలక్ష్మ్యై నమో నమః |
బ్రహ్మవిష్ణుశివాయై చ బ్రహ్మనార్యై నమో నమః || ౧౮ ||

కమలాకరపుష్పా చ కామరూపే నమో నమః |
కపాలికర్మదీప్తాయై కర్మదాయై నమో నమః || ౧౯ ||

సాయం ప్రాతః పఠేన్నిత్యం షణ్మాసాత్సిద్ధిరుచ్యతే |
చోరవ్యాఘ్రభయం నాస్తి పఠతాం శృణ్వతామపి || ౨౦ ||

ఇత్థం సరస్వతీ స్తోత్రమగస్త్యముని వాచకమ్ |
సర్వసిద్ధికరం నౄణాం సర్వపాపప్రణాశనమ్ || ౨౧ ||

రచన: అగస్త్య ఋశి
Read More Here :: Get Telugu Lyrics Now